Archive

Tag Archives: Broadband

其實我真係好怕做IT人,好怕做support,好怕面對日日新鮮鑊鑊甘,排山倒海一蘿蘿的問題,尤其是有兩種。

第一係我自己唔用又冇收過Microsoft任何著數的Windows,再隨病毒。不過我亦唔會主動勸人用Mac,因為又會變成另一種support問題,沒完沒了。

第二係寬頻,我曾經身受其害,已經試過全港所有ISP,暫時用緊香港寬頻,速度與穩定性都十分滿意。不過都係果句,有事唔好搵我。

話說最近女友五日有三日都上唔到網打電話來「投訢」,其實我沒有什麼可以做,只怪當日沒有主動為佢搵過另一間,因為既然用咗一段時間都冇事就算。點知最近先成日上唔到網,師傅來過換過modem用了兩日問題依舊。只有不斷打電話話有問題,非常無奈。

再上網睇下有冇解決方法,原來始知小巫見大巫,有事主已經八日未上過網。

今個星期一下午打來話, 已經搶修左, 叫我返家關modern試試, 我返家冇關modern, 用到4個鐘, 中間有disconnect過, 4個鐘之後, 先記得未關過modern, 做左之後, 結束是再上唔返網, 星期二一早打去, 我話我都是上唔到網, 要約人整, 佢話叫我同佢一齊試左先, 但我話我是公司, 唔可以對著modern, 佢就話冇試一齊check, 唔可能約人整, 我話唔得, 我XYZ 佢, 佢最後約左星期三(尋日)晚整, 點知佢尋日中午打來話我機房又有事, 搶修中, 晚上唔會有人上來, 結果是到今日都上唔到網

又見到討論區有段對話認真搞笑!! 😀

<18區斷線用家報到>
A君:屯門區一分鐘斷線起碼3-4次, 完全用唔到 !!! x街x記, 垃圾寬頻!!
B君:佢18區有邊區唔斷架… 唉~
C君:依家得4區有人報到之嘛。
D君:緊係得4區啦,啲人斷線,斷到上唔到嚟!!
A君:你又講得幾有道理喎。。

電腦 – 萬惡也

自從上星期回港,每個晚上都發覺在家上網慢得出奇,大部份時間都少於1kb/s。本以為是暫時性,昨晚終於都忍不住至電香港寬頻的support,那個不太technical的女客務員,還以極笨拙的方法想叫我測試,基本上差不多什麼地方都聯不上還有什麼好試的?

首先好叫我執行cmd,心知不妙好指的是Windows,我說我是用Mac的。
顧客服務員回應說;「對不起我們暫時沒有支援Mac。」

那些有沒有裝router的問題省略…

(我心裡說:「上網有問題真的關用Windows, Mac的事嗎?…)
我:「不打緊!你還是繼續有什麼要做。」(換我是服務員了… :O)

顧客服務員:「先生請跟著我讀的去打,f for flower,t for tommy, p for pig, 空格, d for dog, o for orange, w for woman, n for nancy, … 一點, … 一點 …」
我:「對不起,我不記得ftp之後是什麼,可以再重覆一次嗎?… 」
顧客服務員:「f for flower,t for tommy, p for pig, 空格, d for dog, o for orange, w for woman, n for nancy…」
我:「那即是ftp download,之後的是什麼?可以再重覆一次嗎?… 」
顧客服務員:「f for flower,t for tommy, p for pig, 空格, d for dog, o for orange, w for woman, n for nancy, …」(其實我想知道她會不會以為我有心搗亂,其實我真的聽不清楚)

到最後大至上聽懂是 download.speedtest.com.hk,她還要我下載一個100M的檔案(100MVideo.zip)!
她開始宣讀起來:「那檔案叫, 1-0-0, m for mother, v for very, i for idiot …」
OMG!! 我決定不跟她玩下去,我已經用ftp client看到那個檔,乾脆說什麼慢得下載不了。

事後上網速度依然一樣,事件還未解決。

昨晚終於裝了久等了幾個月的香港寬頻(算錯合約日到期日),師傅態度不錯,解釋清楚上下載速度保證有八成才會收工。還安裝了高清機頂盒,終於也可以在家收看高清電視了,現在又開始嫌棄家裡的4:3電視,如果有16:9的闊屏效果會好更多。:-P
不過高清盒好像散熱有點問題,試過有數次在目錄裡當機,還是找他們換過一台新的好了。

速度比對:
Netvigator to HK speedtest.net server

HKBN to HK speedtest.net server

Netvigator to San Francisco speedtest.net server

HKBN to San Francisco speedtest.net server

流動電話、上網服務轉台其實係等閒事,我未曾見過一間要cut都cut得咁煩咁黑人憎,大家好嚟好去,香港得果幾會台遲早又走返過嚟,點解要用啲咁污穢嘅招數?一來冇得打電話cut,二來佢唔會郵寄張form俾你,一定要你去門市攞,又唔係間間門市都有得攞喎,攞form又要登記身份証。我仲諗不如攞咗同大家分享,哈!原來張form成張A3紙咁大,仲一式三份,一定要寄fax唔得,又唔可以早過兩個月通知要cut,少過一個月又會扣你錢,問你死未!

為咗填終止日期,我打電話去諗住問吓我張約幾時到期,點知佢哋夠膽死仲返sell返我轉頭,又話送我試用WiFi, Snaap!鬼唔知佢哋又係想駁你第二個月唔記得cut又可以收你錢,我當然第一時間話唔要,個sales點解我就直接話我知佢哋成日用呢招屈人錢。點知過幾日就收到佢封信話我subscribe咗!擺到明玩嘢!咁同搶錢有乜分別?!我今次點都要追究到底!

仲有兩個月我嘅Netvigator寬頻先到期約滿,不過真係急不及待要搵定後路,每個月洗$270個NOW又冇人睇都係好嘥錢!而眾多寬頻我就只有香港寬頻未用過,佢哋最近推銷得好積極,而且仲幾有誠意,終於打動咗我!今晚申請咗兩個月後裝。

  • bb100 $238, bb50 $198, bb25 $168 ,我要咗25個BB,冇打online又通常得我一個上網應該好夠。仲記得上年俾Netvigator扼鬼加多$20 upgrade到18M,根本就係搵笨!
  • 簽24個月回贈4個月免費
  • 免費借用高清盒,自動升級又有錄影功能,又慳一筆!
  • bbTV寬頻電視條基本頻道

十月輪到𨍭電話...點解成日都要忙呢啲嘢?

p.s. 我今晚先發現賤格Netvaigtor已經收咗我十幾個月每個月$22嘅MailGuard Plus(佢哋會迫你試用駁你唔記得除消),我聽講如果你唔用MailGuard有可能俾spam炸爆個email,到時每MB$20後果仲嚴重!返正得返兩個月我唔同佢嘈。(如果你filter唔到spam點解要用你email先?出面大把唔洗錢,就係因為要用嚟收賬單?根本就係想屈水!)